Тохсунньу 3‒8 күннэригэр «Кэрэли» эбии үөрэхтээһин иһинэн Ф.Г.Охлопков аатынан Майа орто оскуолатын 3 «б» кылааһын үҥкүүтүн кэлэктиибэ Москва куоракка Аан дойдутааҕы «Рождественские звезды» бэстибээл-куонкуруска лауреат буолан кэллилэр.
Үҥкүү салайааччыта Саргылана Павлова, кылаас салайааччыта Елена Чичахова. Оҕолорбут Норуот хаһаайыстыбатын быыстапкатын, «Москвариум», Кириэмил харыйатын бырааһынньыгар, бырааттыы Запашнайдар цирковой туруорууларыгар, «Остров мечты», «Кидзания» , Москва куорат зоопаркатыгар, биллэр миэстэлэринэн экскурсияҕа сылдьан билиилэрэ-көрүүлэрэ элбээн кэллилэр.
Кылааспыт төрөппүттэригэр ис сүрэхтэн махталбытын тиэрдэбит, Арассыыйа киин куоратын улахан түһүлгэтигэр кытталларыгар кыах биэрдилэр.
Елена Чичахова.
