Бука барыгытын салаллан кэлбит саргылаах Саҥа дьылынан, үүнэн эрэр 2025 сылынан итиитик-истиҥник эҕэрдэлиибин!
Номнуо биир сыл ааһан, сылбыт түмүктэрин ырытан көрөр, кэлэр сылга сыал-сорук туруорунар кэммит кэллэ. Ааһан эрэр 2024 сыл хас биирдиибитигэр
үгүс умнуллубат түгэни бэлэхтээтэ, саҥа аартыктары арыйда. Барыта эриэ-дэхси буолбатаҕын үрдүнэн үгүс үлэ ыытылынна, туруоруллубут сыал-сорук ситтэ.
Ил Дархан Айсен Сергеевич Николаев Судаарыстыбаннай Мунньах дьокутааттарыгар этиитигэр, үүнэр 2025 сылы Ийэ дойдуну көмүскээччи сылынан биллэрдэ. Ити чэрчитинэн, өрөспүүбүлүкэ үрдүнэн бу хайысхаҕа үгүс үлэ ыытыл-лыаҕа. Улуу Кыайыы 80 сылын өрө күүрүүлээхтик бэлиэтиэхпит. Көлүөнэлэр тулхадыйбат сибээстэрин олохсутууга, патриоттуу тыыны күүһүрдүүгэ бол-ҕомто ууруллуоҕа. Үөрэх эйгэтигэр «дойдуһа» киһини иитэн таһаарыы соруга туруоҕа. Бу соруктар хас биирдиибит санаабытын ууран, биир сомоҕо буолан үлэлээтэхпитинэ хайаан да олоххо киириэхтэрэ.
Күндү улууспут олохтоохторо, өссө төгүл күүтүүлээх, баҕа санааларбыт туолар аптаах кэмнэрэ кэлбиттэринэн эҕэрдэлиибин! Үүнэр саҥа сылга баҕа санааларгыт туоллуннар, санаабыккыт сатанан, ылсыбыккыт ыпсан истин! Баҕарабын дьолу-соргуну, кытаанах доруобуйаны. Дьиэ кэргэҥҥитигэр ил-эйэ олохсуйдун, таптал уйаланнын! Улууспут, дойдубут сайдыытын туһугар күүскэ үлэлиэҕиҥ, дойдубутун чэчирии сайыннарыаҕыҥ! Саҥа дьылынан!
Захар НИКИТИН, Ил Түмэн дьокутаата.