Эһигини кэлэн иһэр саргылаах Саҥа дьылынан итиитик-истиҥник эҕэрдэлиибин!
Бастатан туран, үгэс курдук эргиллэн көрүөҕүҥ бу ааһан эрэр сылбытын: хас биирдиибитигэр умнуллубат түгэннэри, кыра ситиһиилэри, улахан кыайыылары бэлэхтээбитигэр махтаныаҕыҥ. Чахчы, бииргэ үлэлээһин түмүгэр, элбэх былааммыт туолла, ону бу күн-нэргэ нэһилиэнньэни кытта көрсүһүүбүтүгэр сиһилии кэпсэттибит, ырыттыбыт, үүнэн эрэр сылбыт үлэтин-хамнаһын торумнаатыбыт. Саҥа 2025 сыл өссө үчүгэй, үтүө түмүктэрдээх буоларыгар эрэлбит улахан, бэйэбититтэн тутулуктааҕы барытын оҥоруохпут дии саныыбын.
Саҥа дьыл ‒ дьиэ кэргэн бырааһынньыга. Киэргэммит күөх харыйа, күндү, чугас дьоммут, оҕо аймах чуг-даарар саҥата, толору астаах сандалы, эҕэрдэ истиҥ тыллара, Кириэмил курааннарын охсор тыастара ‒ бу түгэҥҥэ барыта биһигини тулалыыр!
Саҥа дьыл алыптаах түүнүн ордук кэнчээрилэрбит ‒ кырачааннарбыт долгуйа күүтэллэр, лаглайбыт күөх харыйа анныгар кистэлэҥинэн ууруллубут
Тымныы Оҕонньор бэлэҕин көрө охсоору тиэтэйэллэр. Саҥа дьылга сырдыгы, кэрэни, кэскиллээҕи баҕарабын!
Андрей НАХОДКИН, Ил Түмэн дьокутаата.