Улуу Кыайыы 80 сыллаах үбүлүөйүн көрсө «Кыайыы Кыһыл Знамята «бүтүн өрөспүүбүлүкэтээҕи «Бары бииргэ Кыайыыга» диэн девизтээх эстэпиэтэ тохсунньу ыйын 9 күнүгэр сахалартан бастакы Сэбиэскэй сойуус дьоруойа Фёдор Кузьмич Попов төрөөбүт- үөскээбит дойдутуттан — Мэҥэ Хаҥаластан Баатара нэһилиэгиттэн саҕаланна.
Дьоруой «Кыайыы Кыһыл Знамятын» Владимир Ларионов аатынан Майа орто оскуолатын «Беркут» байыаннай-патриотическай кулуубун иитиллээччилэрэ хамандыыр Айтал Иванов, Майа, Хара, Чүүйэ, Бөкө, Бэдьимэ, Мэлдьэхси, Хорообут, Баатара баһылыктара арыаллаан чиэстээхтик киллэрдилэр. Кыайыы Знамятын нэһилиэк баһылыктара хардарыта туттарыстылар. Хорообут баһылыга Гаврил Бродников Баатара нэһилиэгин баһылыгар Дмитрий Акимовка, Дмитрий Акимовка Кыайыы Знамятын үөрүүлээх быһыыга- майгыга туттарда.
Эҕэрдэ тылы Майа сэлиэнньэтин баһылыга Алексей Неустроев, Баатара баһылыга Дмитрий Акимов, Саха Өрөспүүбүлүкэтин бочуоттаах бэтэрээнэ, Мэҥэ Хаҥалас улууһун, Баатара нэһилиэгин бочуоттаах олохтооҕо Иван Ходулов, Баатара нэһилиэгин ыччатын лиидэрэ Ярослав Никифоров эттилэр.
1941-1945 тыйыс сыллар төһө да ыраатталлар, ол ыар кэмнэри, фашизмы самнарыы, Улуу Кыайыы төһө уустуктук кэлбитин умнар кыахпыт суох. Кыайыы Кыһыл Знамята тэлэбирии кыыстын, суох буоллун сэрии, эйэлээх олох, күөх халлаан чэлгийдин!
Мария Санникова (Баишева). Баатара
