Бүгүн, тохсунньу 9 күнүгэр, сахалартан бастакы Сэбиэскэй Сойуус Дьоруойа Федор Кузьмич Попов төрөөбүт дойдутугар Баатара нэһилиэгэр Аҕа дойду Улуу сэриитигэр Кыайыы 80 сылынан «Бары бииргэ — Кыайыыга» диэн девизтээх «Кыайыы Знамята» өрөспүүбүлүкэтээҕи эстэпиэтэни көрүстүбүт.
Бүгүҥҥү бэлиэ тэрээһиҥҥэ Майа сэлиэнньэтин баһылыга Алексей Неустроев, Хара нэһилиэгин баһылыга Дария Назарова, Ходоро нэһилиэгин баһылыга Виктор Федоров, Догдоҥо нэһилиэгин баһылыга Петр Сивцев, Баатара нэһилиэгин баһылыга Дмитрий Акимов, 1-кы Баатара нэһилиэгин баһылыга Петр Андросов, Хорообут нэһилиэгин баһылыга Гаврил Бродников, Мэлдьэхси нэһилиэгин баһылыга Валерий Никифоров кыттыыны ыллылар.
Эстэпиэтэ салгыы улууспут нэһилиэктэрин кэрийэн, сарсын, тохсунньу 10 күнүгэр, Амма улууһугар айанныаҕа.
«Кыайыы Знамята» өрөспүүбүлүкэтээҕи эстэпиэтэ ааспыт сыл ахсынньы 28 күнүгэр саҕаламмыта. Саха Өрөспүүбүлүкэтин Ил Дархана Айсен Николаев Майа сэлиэнньэтигэр улууспут баһылыгар Дмитрий Тихоновка Кыайыы Знамятын туттарбыта. Өрөспүүбүлүкэтээҕи эстэпиэтэ бары улуустары кэрийэн, Улуу Кыайыы күнүгэр Сахабыт сирин киинигэр — Дьокуускай куоракка тиийиэҕэ.
Мэҥэ Хаҥалас улууһун дьаһалтатын пресс-сулууспата
