Тохсунньу 9 кунугэр Улуу Кыайыы 80 сыллаах үбүлүөйүн көрсө «Кыайыы Кыһыл Знамята» бүтүн өрөспүүбүлүкэтээҕи «Бары бииргэ — Кыайыыга» диэн девизтээх эстэпиэтэ Төҥүлүгэ кэллэ. Бу бэлиэ тэрээһиннэ кыттыыны ыллылар Баатара, Бэдьимэ, Мэлдьэхси, Хорообут баһылыктара кытыннылар.
Кыайыы Кыһыл Знамятын Баатара орто оскуолатын иитиллээччилэриттэн дойдуга буола турар байыаннай дьайыы кыттыылааҕа, Төҥүлү нэһилиэгин Бочуоттаах олохтооҕо Аркадий Гаврильев тутта, оскуола «Хотой» байыаннай-патриотическай кулуубун иитиллээччилэрэ Тимур Баишев, Дима Заровняев арыаллаатылар.
Төҥүлү нэһилиэгин баһылыга Петр Эверстов, Доллу нэһилиэгин баһылыга Николай Сивцев, Дьабыыл нэһилиэгин баһылыга Дмитрий Петров, Араҥас нэһилиэгин баһылыга Андрей Кычкин, Мэҥэ нэһилиэгин баһылыга Александр Куприянов,Мөҥүрүөн нэһилиэгин баһылыга Юрий Александров, Дойду нэһилиэгин баһылыга Олег Кычкин Кыайыы былааҕын үөрүүлээх быһыыга-майгыга хардарыта туттарыстылар. Эҕэрдэ тылы Баатара нэһилиэгин баһылыга Дмитрий Акимов уонна Төҥүлү нэһилиэгин баһылыга Петр Эверстов эттилэр.
Эстэпиэтэ салгыы Аллараа Бэстээх бөһүөлэгэр айаннаата.
Айталына Борисова, Төҥүлү
