Бүгүн улууспутугар биир бэлиэ тэрээһин ыытыллар.
Майа сэлиэнньэтигэр «Манчаары» стадионугар саха саарына, дэгиттэр талааннааҕа, СӨ норуодунай артыыһа, XX үйэҕэ Саха сирин чэпчэки атлетикаҕа бастыҥ спортсмена, аатырбыт ырыаһыт, ырыа айааччы Аркадий Михайлович Алексеев үҥүүнү быраҕыыга уонна чэпчэки атлетика биэс көрүҥэр муҥутуур көрдөрүүнү олохтообута 60 сылыгар аналлаах «КУС БЫҺЫЙ — АТ БӨҔӨ» күрэхтэһии ыытыллар. Билигин күрэхтэһиини үөрүүлээхтик аһыллыыта түмүктэнэн сытыы киирсиилэр саҕаланнылар.
Кыттааччылар кимнээхтэрин видеоҕа көр. Муҥутуур кыайыылаахха сүрүн бириис — 500 тыһыынча солк.
Улууспут олохтоохторун успуорт умнуллубат, сэргэх тэрээһинин кэлэн көрөргүтүгэр ыҥырабыт.