Ахсынньы 10 күнүгэр Майатааҕы «Кэнчээри» оҕону сайыннарар кииҥҥэ 55 сылы көрсө бэлиэ тэрээһиннэр ыытылыннылар.
Бу күн уһуйаан бэтэрээннэрэ ыҥырыллан уһуйааҥҥа ыалдьыттаатылар. Саҥа кинигэлэр тахсыыларын сүрэхтээтилэр. Уһуйаан 1969 с. тэриллиэҕиттэн устуоруйатын, сайдыытын сырдатар тупсаҕай кинигэлэр оҥоһулуннулар. Үс кинигэлээх таһаарыыга 2017 с. холбоспут «Кустук» уһуйаан кырдьаҕастарын, үлэһиттэрин ахтыылара эмиэ киирбитэ кэрэхсэбиллээх буолла. Саҥа кинигэни уһуйаан салайааччыта Екатерина Романова, «Эркээйи» хаһыаттан Марфа Птицына бэчээккэ таҥан бэлэмнээтилэр. Ю.А.Гагарин аатынан өрөспүүбүлүкэтээҕи типографияҕа оҥоһулунна.
Бэлиэ күн мусуой хоһун үөрүүлээх быһыыга-майгыга арыйдылар. Итиэннэ саҥа кэм технологиятынан интерактивнай оонньуур көбүөр сүрэхтэннэ. Уһуйаан бэлэмнэнии бөлөҕүн оҕолоро оонньоон көрдөрдүлэр.
