,,Кыталык» уопсастыбаннай кииҥҥэ көрбөттөр уопсастыбаларын тэрийиитинэн интеллектуальнай оонньууларга биирдиилээн бастыыр иһин күрэхтэһии бэрт эрийсиилээхтик ааста.
Катамино, калах уонна квиксо диэн көрүҥнэрдээх өй күрэһигэр – остуол оонньууларыгар Балыктаахтан, Төхтүртэн, Нуораҕанаттан уонна Майаттан кэлэн кыттыыны ыллылар.
Үс көрүҥ түмүгүнэн Майаттан Василий Алексеев бастаата, иккис Татьяна Цыденжапова (Балыктаах), үһүс Александра Назарова (Майа) буоллулар. Бары кыттыбыттар өйдөбүнньүк бириискэ тиксэннэр үөрэн-көтөн тарҕастылар.
Түгэнинэн туһанан тэрээһиҥҥэ мэтээлинэн, грамотанан көмөлөспүт Майа сэлиэнньэтин дьаһалтатыгар махтаналларын туһунан улуустааҕы көрбөттөр уопсастыбаларын бэрэссэдээтэлэ Иван Семенов тиэртэ.
