СӨ Судаарыстыбаннай Мунньаҕын Сир сыһыаннаһыыларыгар, айылҕа ресурсаларыгар уонна экологияҕа Сис кэмитиэтин бэрэссэдээтэлэ Андрей Находкин олорор сиринэн Аллараа Бэстээх бөһүөлэгэр быыбарга кытынна.
‒ Аллараа Бэстээххэ быыбардаатым. Төрүт Сокуонунан мэктиэлэммит бырааппын туһанан, дьиэ кэргэним, чугас дьонум, биир дойдулаахтарым инникилэрин туһугар, элбэх омук биир дьиэ кэргэн курдук иллээхтик олорор дойдубут ‒ Арассыыйа салгыы да үүнэ-сайда турарын туһугар куоласпын биэрдим, ‒ диэтэ кини.