Саха ыччаттара анал байыаннай дьайыыга хорсуннук дойдуларын көмүскүү сылдьаллара барыбытын долгутар. Биир дойдулаахтарбытыгар, ыраахтан да буоллар, бары түмсэн төһө кыалларынан өйөбүл буолабыт.
Улууспутугар баһылык Дмитрий Тихонов көҕүлээһининэн буойуннарбытыгар көмө-тирэх буолар сыаллаах үлэ тиһигин быспакка барар, кэмиттэн кэмигэр гуманитарнай көмө тэриллэн ыытыллар. Бу күннэргэ улуустааҕы киин балыыһа үлэһиттэрэ биир дойдулаахтарбытыгар бэйэлэрин көмөлөрүн оҥорон туттардылар. Манна эмп-томп арааһын, бэрэбээскигэ туттуллар стерильнэй матырыйааллары, хааны тохтотор жгуттары, аhаҕас бааска туттуллар анал бэрэбээскилэри бэлэмнээн уктулар.
”Оҕолорбутун үтүө өбүгэлэрэ харыстыы, араҥаччылыы сырыттыннар! Ийэлии истиҥ алгыспыт түөрт өттүлэриттэн өрүһүйүөхтүн, дурда-хахха буолуохтун!”, – диэн көмөлөрүн алҕаан ыыттылар.
