Олунньу 21 күнүгэр Уус Алдан улууһун киинигэр Бороҕоҥҥо «Мүрү үҥкүүлүүр» өрөспүүбүлүкэтээҕи II бэстибээл-куонкурус буолан ааста.
Хорообут орто оскуолатыттан «Күннээйик» үҥкүү кэлэктиибиттэн үс бөлөҕүнэн 38 үөрэнээччи кытынна. Кыра бөлөх бастакы, орто бөлөх үһүс истиэпэннээх дипломант, улахан бөлөх үһүс истиэпэннээх лауреат буолары ситистилэр. Үҥкүү бөлөхтөрүн салайааччыта Нюрбина Михайловна Брызгалова.
Үөрэнээччилэрбит араас куонкурустарга кытталларыгар күүс-көмө буолар төрөппүттэрбитигэр махтанабыт. Салайааччыбытыгар Нюрбина Михайловнаҕа айымньылаах үлэни баҕарабыт. Кэрэни кэрэхсиир кэнчээри ыччаттарбыт үүнэ-сайда турдуннар.
Октябрина Васильева.
