Бүгүн, олунньу 3 күнүгэр, улууспут киэҥ нэлэмэн «Парус» успуорт комплексыгар национальнай ыспартакыйаада чэрчитинэн, хотугу многоборьеҕа күрэхтэһии ыытылынна.
Улууспут оскуолаларыттан 13 бастыҥ хамаанда кэлэн күрэхтэстэ. Үөрэнээччилэр маамыктаны быраҕан, наартаны ойон, үс төгүл куобахтаан күөн көрүстүлэр. Эрийсиилээх күрэхтэһии түмүгүнэн, Хорообут орто оскуолатын үөрэнээччилэрэ Семенова Дайаана, Прибылых Ваня бастааннар куубак хаһаайынынан буоллулар.
Былырыыҥҥы кыайыыны хатылаан куубагы төттөрү илдьэ кэллилэр. Үөрэнээччилэри эрчийэр тириэньэрдэбитигэр Андреев Николай Петровичка, Прибылых Василий Гаврильевичка истин эҕэрдэбитин тиэрдэбит.
Октябрина Васильева.
