Сомоҕолоһуу күнүн бэлиэтээн Хорообукка сэтинньи 8 күнүгэр нэһилиэккэ тэрилтэлэринэн концерт,кинигэ быыстапката турда.
Тэрээһин үөрүүлээх чааһыгар Олохтоох дьаhалта уонна нэһилиэк тэрилтэлэрин салайааччыларын икки ардыларыгар, инникитин тэҥҥэ сомоҕолоһон үлэлэһэр туһунан дуогабарга илии баттастылар.
Ону таһынан быйылгы сылга биһиги нэһилиэккэ, уопсайа сэттэ, саҥа үлэлии кэлбит специалистарга нэһилиэк Аҕа баһылыга Гаврил Бродников эҕэрдэ сурук уонна өйдөбүнньүк бэлэх туттартаата.
Ол кэннэ тэрилтэлэринэн бэрт сэргэх кэнсиэр буолан ааста.
Бүтэһигэр илии- илиигэ ылсан сомоҕолоһуу оһуокайа биэчэри түмүктээтэ.
Варвара Филиппова.