Хорообут оскуолатыгар «Эр киһи ‒ эрэлбит, уол оҕо ‒ кэскилбит!» диэн девиһинэн олунньу ый сыллата ыытылларын курдук байыаннай-патриотическай тыыҥҥа иитиигэ ананна. Ый устата тэрээһиннэр араас былааннаахтык ыытылыннылар. «Блиндаж чүмэчитэ» аахсыйа, «Буойуҥҥа сурук», «Афганистан 35 сылын бэлиэтэнэр күнэ», «Мин нэһилиэгим киэн туттар суруйааччылара» бырайыак, «Сылаас суорҕан», «Саа уоһугар чехол», Эр санааланыы уруоктара, «Байыаннай дьайыы Дьоруойдара», библиотечнай уруоктар, «Своя игра», Төрөөбүт тыл, сурук-бичик күнэ, Ийэ дойду туһунан хоһоону ааҕыы, видеороликтар, өйтөн суруйууга куонкурус, кылаас чаастара, «Без срока давности» Бүтүн Арассыыйатааҕы куонкурус, аҕаларга аналлаах тэрээһин, о.д.а. болҕомтону тарта.
Ыйы тумуктуур «Биир кун аармыйа олоҕор» тэрээһин сарсыардаттан армейскай хааһыттан саҕаланна. Переменаларга хааман чиккэҥнэһии, кылаастарынан строевой хаамыыны көрүү, военизированнай эстэпиэтэ ыытылынна.
Тэрээһиҥҥэ байыаннай дьайыы кыттыылааҕа, уоппускаҕа кэлэ оскуолабыт выпускнига Дмитрий Романович Иванов ыалдьыттаата, оҕолорго алгыһын анаата. Эт-хаан өртүнэн сайдыылаах буолалларыгар, үөрэхтэригэр, бэрээдэктэригэр өрүү үчүгэйдэр кэккэлэригэр сылдьалларыгар баҕарда. Үөрэнээччилэрбит ыыппыт суруктарын, харысхалларын тутан үөрбүттэрин кэпсээтэ, махтанна. Дмитрий Романович күрэхтэһиилэргэ дьүүллүүр сүбэҕэ көмөлөстө. Үөрүүлээх быһыыга улуустааҕы «Снежный барс» күрэхтэһиигэ үһүс миэстэ буолбут хамаандабыт хааман көрдөрдө. Улуустан грамоталары «Бастыҥ хамандыыр» 9 кылаас үөрэнээччитэ Михаил Олесовка, үөрэнээччилэри бэлэмнээбит ОБЖ учууталыгар Николай Андреевка туттардыбыт.
Тыҥааһыннаах күрэхтэһии түмүгүнэн алын сүһүөххэ бастакы миэстэ 4, иккис 2, үһүс 1 кылаас кэлэктииптэрэ, орто сүһүөххэ бастакы миэстэ 5, иккис 6, үһүс 7 кылаастар, үрдүкү сүһүөххэ бастакы 11, иккис 9, үһүс миэстэ 8 кылаастар буоллулар. 3 уонна 10 кылаас кэлэктииптэрэ бэлиэтэннилэр. Военизированнай эстэпиэтэҕэ орто сүһүөххэ бастакы 7, иккис 5, үһүс 6 кылаас, үрдүкү сүһүөххэ бастакы 11, иккис 9, үһүс 8 кылаас кэлэктииптэрэ буоллулар.
«Буойуҥҥа сурук», «Блиндаж чүмэчитэ» аахсыйаларга кыайыыны ситиспит кылаастарга грамоталар туттарылыннылар.
Октябрина Васильева.
