Олунньу 13 күнүгэр үһүс отчуоттуур бөлөх Холгума нэһилиэгэр олохтоохтору кытта көрүстэ.
Бырамалар бэрт үгүс боппуруоһу туруордулар. Нэһилиэккэ оптуобуһу хаһан сырытыннаралларын, гаас ситимин хаһан киллэрэр былааннаахтарын, киинтэн ититиигэ холбонор уолдьаспытын, Ирбис сыаната тоҕо хонтуруолламматын сурастылар. Бу боппуруоска салалта өртүттэн күүскэ үлэлэһэллэрин эттилэр.
Саха тылын үөрэтиигэ туох эбии дьаһаллар киирбиттэрин туоһуластылар. Ыйытыыны биэрбит Альбина Семеновна тыа сиригэр саха тылын үөрэтиигэ ыарахаттар баалларын, оҕолор сахалыы биэриилэри, ханаалы көрөллөрө аҕыйах, сэҥээрбэттэр быһыылаах диэн санаатын тиэрдэр.
Кликра сокуонун, олохтоох дьаһалта инники дьылҕатыгар сыһыаннарын, тыа хаһаайыстыбатыгар үүтү туттарыыга төһө үп көрүллүбүтүн ыйыттылар. Ынах ахсааныгар бэриллэр үп баара ордук этэ диэтилэр. Үүт туттарарга тырааныспар, суол-иис өртө моһуоктардааҕын бэлиэтээтилэр.
Баайы-дуолу хостооччулар ойуур баһаарын ыыттахтарына төһө эппиэккэ тардаллара, ракета тобохторун дьайыыта хайдаҕа, наркотигынан эргинэр дьоҥҥо туох миэрэлэр бааллара, уматык ыарыырыгар туох быһаарыы бэриллэрэ, сыана ыарыыра таарылынна.
Тылга сыһыан уонна олохтоох салалта, кликра боппуруостарыгар санааларын норуот дьокутаата Захар Никитин сиһилии быһааран биэрдэ.
Тыл этиилэригэр олохтоохтор өрөспүүбүлүкэ салалтата болҕомтону сөбүгэр уурарын, үлэни биһирииллэрин эттилэр.
Марфа Птицына
