Олунньу 14 күнүгэр 2-с Наахара нэһилиэгэр бырабыыталыстыба отчуотун Саха Өрөспүүбүлүкэтин гражданскай оборонаҕа, нэһилиэнньэ олоҕор-дьаһаҕар куттал суох буолуутун хааччыйыыга миниистирин солбуйааччы Никита Павлов туруорда.
Отчуоттуур мунньаҕы баһылык Петр Никитин салайан ыытта. Култуура комплексыгар буолбут отчуокка 65 олохтоох кэлэн бөлөх салайааччыта толоруулаах былаас ааспыт сыллааҕы үлэтин туһунан дакылаатын иһиттилэр.
Халаан уутугар барбыт дьиэлээх дьоҥҥо туох көмө баарын, балбааҕы харайыыга сокуон үлэтин, хаарбах дьиэттэн дьону көһөрүү бырагыраама хаамыытын, быйыл электроуот лииньийэтин өрөмүөннүүр үлэни ыйыттылар.
Хочо олохтоохторо бэйэлэрин этиилэригэр оскуолаҕа өрөмүөн ыытыллыытын, уот бардаҕына сибээс арахсан хааларынан «Билайн» төлөпүөн сибээһин тупсарар наадатын, сааскы халаан уутун утары дьаһаллары туруорустулар.
Иван ЛУКИН.
