Тохсунньу 22 күнүгэр күн иккис аҥаарыгар улуус баһылыга Дмитрий Тихонов ааспыт сыллааҕы сыллааҕы үлэтин Хаптаҕайга туруорда.
Мунньаҕы нэһилиэк баһылыга Иван Зыков салайда. Ил Түмэн дьокутаата Захар Никитин, оройуон Сэбиэтин бэрэссэдээтэлэ Иннокентий Андросов уонна улуус управлениеларын, тэрилтэлэрин салайааччылара кытыннылар. Дмитрий Иванович ааспыт сылга ыытыллыбыт үлэни уонна байыаннай дьайыыга улуустан көмө оҥоһуллубутун сырдатта.
Нэһилиэктэн 80 киһи отчуоту истэн, ыйытыылары биэрдилэр. Сүрүннээн Уһук Илиҥҥи гектар докумуонун тоҕо бытааннык оҥоһулларын, нэһилиэккэ аптека суоҕун, тиис эмтиир бырааска толуон аҕыйаҕын сурастылар. Нэһилиэккэ киирэр гаас ситимин турбата тоҥон быйыл кыһын дьон ыараханы көрсүбүттэр. Салгыы маннык түгэн хатыламматын туһугар туох үлэ барарын ыйыттылар. Өлүөнэ өрүһү туоруур муоста бырайыага хайдах оҥоһулла турарын, айылҕаҕа туох охсуу күүтэрин, Чыамайыкыга алмаас хостооһунун боппуруоһун туоһуластылар. Нэһилиэккэ киирэр суолга сырдатыы холбоноро уонна нэһилиэккэ турар подстанциялары күрүөлүүр наадатын ыйдылар. Култуура киинин дьиэтин туруорсаллар. Олохтоохтор сыллааҕы үлэни үрдүктүк сыаналыылларын биллэрдилэр.
Иван Лукин.
