Тохсунньу 28 күнүгэр Аллараа Бэстээххэ Баатара нэһилиэгин тыа сирин түөлбэтэ, улуус физическэй култуураҕа уонна успуорка управленията, Т.А.Пинегин аатынан успуорт комплекс салалтата уонна сахалыы многоборье федерацията тэрийиилэринэн сахалартан бастакы Сэбиэскэй Сойуус Дьоруойа Ф.К.Попов хорсун быһыыны оҥорон Дьоруой аатын сүкпүтэ 80 сылыгар аналлаах эдэр ыччакка сахалыы многоборье көрүҥэр күрэхтэһии ыытылынна.
Улуус 6 нэһилиэгиттэн: Хаптаҕайтан, Төхтүртэн, Наахараттан, Баатараттан, Бэдьимэттэн, Мэлдьэхситтэн спортсменнар күөн көрүстүлэр. Үс төгүл үс, ытыыга, хапсаҕайга, сүүрүүгэ, харбааһыҥҥа күрэхтэстилэр.
Күрэхтэһии түмүгүнэн Виктор Аргунов бастаата (Төхтүр). Мэлдьэхситтэн Денис Колесов иккис, Наахараттан Руслан Слепцов үһүс миэстэ буоллулар.
Многоборье көрүҥнэринэн биирдиилээн түмүктэр таҕыстылар. Баатара нэһилиэгин олохтоохторо Августа Баишева салайааччылаах күрэхтэһии аһыллыытыгар култуурунай бырагыраамаҕа кытыннылар. Күрэхтэһииини успуорсандаабыт Дьоруой Ф.К.Попов аймахтарыгар Евдокия Борисоваҕа, улуус физическай култуураҕа уонна успуорка управлениетыгар (Попов А.А.), «Мэлдьэхси нэhилиэгэ» тыа сирин түөлбэтин дьаhалтатыгар (Никифоров В.Г.), Баатара нэhилиэгин тэрилтэлэригэр уонна күрэхтэһиини ыытыыга күүс-көмө буолбут Т.А.Пинегин аатынан «Парус» комплекс салалтатыгар (Захаров Дь.И.), кылаабынай судьуйа Сыдыкбеков Темир Абдыкалыевичка махтал тылларын тиэрдэбит. Сахалыы многоборье көрүҥэ сайда уонна сахаттан бастакы Сэбиэскэй Сойуус Дьоруойа Ф.К..Попов сырдык аата үгүс саха ыччатын үрдүккэ, чөл олохххо түмэ турдун.
Мария Санникова, Сыымах.
