Тохсунньу 20 күнүгэр Төҥүлү оскуолатыгар 7‒11 кылаас уолаттарыгар анаан «Диалог с профессионалом» көрсүһүү буолла.
Көрсүһүүгэ оскуолабыт бэпэчиитэл выпускниктара, Үөрэхтээһин сайдыытын инновационнай киинин дириэктэрэ Дмитрий Титов, М.К.Аммосов аатынан ХИФУ Учуонай сэбиэтин учуонай сэкирэтээрэ, математика уонна информатика институтун кафедратын сэбиэдиссэйэ, физико-математическай билим хандьыдаата Евгений Шарин, урбаанньыт, инвестор Петр Цыпандин, «Янзолото», «Янолово» тэрилтэлэр салайааччылара Иван Захаров, Өрөспүүбүлүкэтээҕи футбол идэтийбит спортивнай оскуолатын дириэктэрэ Николай Цыпандин кыттыыны ыллылар.
Идэни баһылыырга, дьоҕургун сайыннарарга анаан биһиги оскуолабытыгар хас да бырайыак үлэлиир. Бу көрсүһүү олортон биирдэстэрэ буолар. Маннык көрсүһүүгэ үөрэнээччи интэриэһин, кыаҕын сайыннарыытын таһынан, баар араас идэлэри, саҥа үөрэхтэри билиһиннэрэллэр. Тэрээһиҥҥэ ыалдьыттарбыт санааларын атастаһан, идэҕэ туһааннаах кэпсэтиини ыытан, өйдөрүн-санааларын түмэн кэнчээри кэлэр ыччаппытын толкуйдаах буоларга, хорсун санаалаах үтүө дьон буола улааталларыгар үтүө тылларын эттилэр.
Гаврил ПРОКОПЬЕВ, Төҥүлү орто оскуолатын 8 кылааһын үөрэнээччитэ.
