Сэтинньи – Баай Байанай ыйа. Саха дьоно бу ыйга кыһыны туоруур хаһаас астарын оҥостоллор. Нэһилиэк аайы муҥха, идэһэ туттуута саҕаланнылар. Киэһэ аайы эмис собо, сыалаах эт миинин иһэр дьоро күннэр үүннүлэр.
Өбүгэ үтүө үгэстэригэр ыччаттарын уһуйан, бэйэлэрин кытта тэҥҥэ илдьэ сылдьан мууһу аннынан балыктыыр ньымаларга уһуйаллар, саамал сайын күөх дуолугар тото-хана мэччийэн төлөһүйбүт ыччат сүөһүнү, убаһаны астыыр сатабылларыгар үөрэтэллэр. Маннык үтүө үгэс көлүөнэттэн көлүөнэҕэ бэриллэн, тыйыс айылҕалаах дойду хоһуун олохтоохторо томороон тымныыны этэҥҥэ туораан баччаҕа кэллэхтэрэ.
Бэйэ аһынан-үөлүнэн дьиэ кэргэннэрин хааччыйалларын таһынан, ордор эттэрин-астарын атыылаан бүтүн норуоту аһатар туруу үлэһит дьонноохпут тухары, хаһан да аһынан-таҥаһынан тутайыахпыт суоҕа диэн эрэнэбит.
Марелла Баишева.
