Бүгүн, сэтинньи 29 күнүгэр, Майатааҕы эдэр көрөөччү норуодунай тыйаатыра 26-с сезонун арыйда.
Саалаҕа толору мустубут көрөөччүлэр иннигэр 3 бөлөҕүнэн тахсан бу күһүҥҥүттэн бэлэмнэммит саҥа бырагыраамаларын көрдөрдүлэр. Орто бөлөх “Лыыбырда” саха остуоруйатын, В.П.Ларионов аатынан Майа орто оскуолатын 8 «б» кылааһын бөлөҕө араас ааптардар хоһооннорунан, кэпсээннэринэн “Умнубаппыт” литературнай дьүһүйүүнү, сүрүн бөлөх Ч.Айтматов “Саллаат оҕото” туруорууну дьон-сэргэ дьүүлүгэр таһаардылар.
Оҕолор долгуйан туран доҕотторун, төрөппүттэрин, атын нэһилиэктэртэн кэлбит кырачаан көрөөччүлэр иннилэригэр таҕыстылар. Туруоруулары быыһыктаан норуот айымньытын дьиэтигэр эдэр салайааччыларга: Мария Ивановаҕа хомуска саҥа үөрэнэ кэлбит Арылхан Яковлев уонна Саргылаана Павловаҕа ырыаҕа дьарыктана кэлбит Айсаан Семенов аан бастакыларын сыанаҕа таҕыстылар.
Эдэр көрөөччү тыйаатырын иитиллээччилэригэр уонна режиссер Александра Скрябинаҕа ситиһиилэри уонна көрөөччү биһирэбилин ылалларыгар баҕарабыт.
