Дьокуускайдааҕы кадет оскуолатыгар Дьоруойдар ааттарын сүгэр оскуолаларга өрөспүүбүлүкэтээҕи сүлүөт буолан ааста.
Көрсүһүү Аҕа дойду Улуу сэриитигэр Кыайыы 80 сылыгар, Арассыыйаҕа Дьиэ кэргэн, өрөспүүбүлүкэҕэ Оҕо саас сылыгар ананна.
9 оройуонтан 16, Дьокуускайтан 7 оскуола кытынна. Сүлүөккэ Арассыыйа Дьоруойа Филипп Александрович Евсеевтиин көрүстүлэр. Үөрэнээччилэргэ бойобуой сырыыларын аҕынна, уопутун кэпсээтэ, ситиһиилэри баҕарда. Математикаҕа өй-билии оонньууларыгар кытыннылар. «Саллаакка сурук» Бүтүн Арассыыйатааҕы аахсыйаҕа кыттан байыаннай дьайыы кыттыылаахтарыгар суруктары суруйдулар.
Араас куонкурустар тэрилиннилэр. Видео-презентацияны көрдөрүүгэ Ф.К.Попов аатынан Баатара оскуолатын үөрэнээччилэрэ иккис миэстэ буолары ситистилэр. Быыстапкаҕа үһүс, бэйэни билиһиннэриигэ иккис миэстэлэннилэр. Уопсай түмүккэ биһиги баатараларбыт Ф.К.Попов аатынан Дьокуускай 20 №-дээх оскуолатын кытта бастакы миэстэни ылары ситистилэр. Иккис Р.И.Константинов аатынан Амма, үһүс С.Д.Флегонтов аатынан Хадаар оскуолалара буоллулар.
Баатара үөрэнээччилэрин Анна Жиркова, Сайыына Свинобоева, Мария Попова салайан илдьэ сырыттылар.
