Тохсунньу 30 күнүгэр Доллу нэһилиэгэр 85 олохтоох отчуоту истэн баран ыйыталастылар, этиилэрин эттилэр.
Сүрүннээн хаарбах дьиэттэн көһүү бырагыраама өҥөтүнэн хаһан саҥа таас дьиэ тутулларын, инбэлииттэргэ толору хааччыллыыны киллэртэрэргэ ханнык көмө баарын, үөрэх айанын төлөбүрэ тоҕо хойутаан төлөнөрүн сурастылар. Элбэх оҕолоох дьиэ кэргэн учаастак ылар уочаратын хамсааһынын, хаһаайына суох ыттар, балбаах сокуонун, үүт туттарыы сыанатын уонна тыа хаһаайыстыбата сайдыбыт нэһилиэк оскуолатын агро хайысхаҕа көһөрөр ханнык ньыма баарын ыйыттылар.
Өрүһү туоратар «подушка» төлөбүрүн хонтуруолуна, нэһилиэккэ кэлэн саҥа үлэлиир дьоҥҥо олорор дьиэлэрэ суоҕун, өртөөһүн уонна сайылыктар аттыларыгар суол бэлиэтин, сибиинньэ иитэр пиэрмэҕэ салгыы үлэлииригэр көмө наадатын туһунан санааларын эттилэр.
Иван Лукин.
