Бүгүн, кулун тутар 16 күнүгэр, Доллу нэһилиэгэр Арассыыйа Бэрэсидьиэнин талар быыбар иккис күнэ саҕаланна. Лоп курдук сарсыарда 8 чаастан 277 нүөмэрдээх быыбардыыр учаастак биэс киһиттэн састааптаах хамыһыйата үлэлиир. Бэрэссэдээтэл Анна Свинобоева иһитиннэрэринэн, нэһилиэккэ 520 быыбардааччы баарыттан, билиҥҥи туругунан 227 киһи куоластаабыт.
Быыбар маҥнайгы күнүгэр бастакы быыбардааччынан Кисиляховтар дьиэ кэргэн кэлбиттэр. Дьиэ кэргэн сыла диэх курдук, олохтоохтор бары дьиэнэн кэлэн куоластыыллар. Слепцовтар дьиэ кэргэн бары актыыбынайдык куоластаан барбыттар. Икки уоллара быыбар хамыыһыйатыгар үлэлии сылдьаллар.
93 саастаах нэһилиэк ытык кырдьаҕаһа Елена Иннокентьевна Борисова дойду сайдыытыгар туһуланар быыбарга дьиэтигэр олорон куоластаата. Учаастактан Акулина Власова, Василий Слепцов дьиэҕэ тиийэн быыбардаталлар.
#всейсемьей
