Биһиги Ил Дархаммыт Айсен Николаев Ил Түмэҥҥэ туһаайбыт этиитин истэн баран кини биһиги өрөспүүбүлүкэбитигэр дьиэ кэргэни өйүүр, оҕо төрөөһүнүн көҕүлүүр миэрэлэрин биһирии иһиттибит.
Ол курдук, үһүс оҕоҕо өрөспүүбүлүкэтээҕи Ийэ хапытаалын сууматын икки төгүл улаатыннаран, 300 тыһыынча солкуобайга тиийдэ, аҕыйах сыллааҕыта иккис оҕоҕо 249907,42 солкуобай суумалаах эригийиэннээҕи Ийэ хапытаалын олохтоон турар.
Өссө бу төрдүс, бэһис уонна онтон кэлэр оҕолорго Ийэ хапытаалын анааһын оҕо төрөөһүнүн бириэмэтигэр көҕүлүүр быһаарыы диэн сыаналыыбыт уонна өйүүрбүтүн биллэрэбит.
Маны таһынан дойду ыытар бэлиитикэтин чэрчитинэн аҕам саастаах ытык дьоммут олохторо уһууругар уонна кинилэр олоххо көхтөөх буолууларын ситиһиигэ ылыллар миэрэлэри толору өйүүбүт, бу тула үлэлииргэ бэлэммит.
Иван Шестаков,
нэһилиэнньэ социальнай көмүскэллээх буолуутун улуустааҕы кэлим киинин салайааччыта.