Улууспут нэһилиэктэригэр
Бүгүн, балаҕан ыйын 10 күнүгэр, сарсыарда 10 чаас 30 мүн. 276 N- дээх Чүүйэтээҕи быыбардыыр уокурукка быыбардааччы 61,7 бырыһыана куоластаата.
Бу туһунан биһиэхэ учаастактааҕы хамыыһыйа бэоэссэдээтэлэ Елена Березкина иһитиннэрдэ.
Ходоролор СӨ Ил Дарханын, СӨ Ил Түмэнин, муниципальнай оройуон Сэбиэтин дьокутааттарын сэргэ сэттэ мандааттаах уокурукка нэһилиэктэрин дьокутааттарын талаллар.
Олохтоохтор быыбарга кыттыылара хара маҥнайгы күнтэн көхтөөхтүк баран иһэр. Холобур, үлэ кэлэктииптэриттэн Раиса Атласова сэбиэдиссэйдээх «Чэчир» оҕо саада бары бииргэ күргүөмүнэн биирдэ кэлэн быыбарга кыттыбыттаоа атыттарга холобур буолуон сөп.
Быйыл быыбарга саҥа кыттар ыччаттарга учаастактааҕы хамыыһыйа өйдөбүнньүк бэлэхтэри туттарда.
Хамыыһыйаҕа солбуйааччы бэрэссэдээтэлинэн Николай Тимофеев, сэкиритээринэн Анастасия Тимофеева, чилиэннэринэн Аграфена Брызгалова, Илья Игнатьев үлэлииллэр.
