Дойдубут баһылыгын талар улахан эппиэтинэстээх быыбар иккис күнүгэр Чүүйэ 274 нүөмэрдээх быыбардыыр учаастагын бэрэссэдээтэлэ Елена Березкина иһитиннэриитинэн 410 быыбардааччы баарыттан киэһэ 7 чаас туругунан 314 киһи кэлэн куоластаата.
Бастакынан быыбарга Аркадий Федоров кэлэн куолаһын биэрбит. Саҥа бастакытын быыбардааччылар Константин Федоров, Николай Осипов, Александр Дмитриев быыбарга эмиэ туора турбатылар. Элбэх о5олоох эдэр ыал Азиза, Спартак Дьячковскайдар сахалыы сайбаччы таҥнан кэлэн дьон сүргэтин көтөхтүлэр. Чүүйэлэр бу икки күҥҥэ 76,58% бырыһыаны ситистилэр.
Сарсын, кулун тутар 17 күнүгэр, быыбар түмүк күнэ үүнэр. Сарсыарда 8 чаастан киэһэ 8 чааска диэри улууспутугар баар 34 быыбар учаастага ааннара аһаҕас. Улууспут быыбардааччылара, инники кэскилбит түстэнэр эппиэттээх быыбарыгар көхтөөх кыттыыны ыларгытыгар ыҥырабыт.
Елизавета Неустроева.
