Ахсынньы 10 күнүгэр В.В.Скрябин аатынан Чүүйэ орто оскуолатын “Хатан” оҕо түмсүүтэ “Үтүө санаа долбуура” аахсыйа биллэрбитэ.
Аахсыйаҕа оскуола кэлэктиибэ уонна үөрэнээччилэрэ көхтөөхтүк кыттан, хомуйбут гуманитарнай көмөлөрүн туттардылар. Манна сылаас таҥас-сап, наадалаах тэрил уонна бородуукта баар.
Бу көмө анал байыаннай дьайыы кыттыылаахтарыгар барыаҕа.
Аахсыйа тэрийээччилэрэ уонна салайааччылара педагог-тэрийээччи Алена Васильева «Бары үтүө санаалаах дьоммутугар уонна оҕолорго буойун уолаттарбыт этэҥҥэ сылдьалларын туһугар хомуйбут көмөҕүт иһин махталбытын тиэрдэбит!», — диэн истиҥ тылларын тиэрдэллэр.
