Улууспут нэһилиэктэригэр
Улууспут саамай уһук сытар нэһилиэгэр Чыамайыкыга оллхтоохтор өрөспүүбүлүкэтээҕи уонна муниципальнай быыбардарга кыттыылара көхтөөхтүк баран иһэр.
Урукку да өртүгэр, чыамайыкылар быыбарга кыттыыларынан улууспутугар инники күөҥҥэ сылдьаллара. Бу да сырыыга, билиҥҥи туругунан, 60,7 бырыһыан куоластаатылар.
Дьокуускайдааҕы сибээс колледжын устудьуона Борислав Иванов быыбарга быйыл аан бастакытын кытынна. Кини быыбар хамыыһыйатыттан өйдөбүнньүк сэмэй бэлэҕи тутта.
Любовь Романова бэрэссэдээтэллээх хамыыһыйа үлэһиттэрэ быыбар учаастагар аахсыллар биричиинэнэн кыайан кэлбэт 11 киһиэхэ дьиэлэринэн сылдьан быыбарга кыттар бырааптарын туһаннардылар.
