Олунньу 12 күнүгэр 1-кы Чыамайыкы нэһилиэгэр Бырабыыталыстыба иккис отчуоттуур бөлөҕө олохтоохтору кытта көрүстэ.
Отчуоттуур бөлөх салайааччыта СӨ Тыа хаһаайыстыбатын миниистирин солбуйааччы Николай Афанасьев өрөспүүбүлүкэҕэ ааспыт сыллааҕы үлэни, ситиһиилэри сырдатта, кэлбит сыл соруктарын билиһиннэрдэ.
Олохтоохтор Саха сирин баайын хостуур үлэтигэр туох хонтуруол баарын, байыаннай дьайыыга кыттар хантараах болдьоҕун, тыа хаһаайыстыбатыгар төһө көрүҥ грант баарын, бэтэринээр өҥөтүн сыанатын ыйыталастылар.
Чыамайыкылар туйахтаах кыылы бултуурга бэриллибит көҥүл бириэмэтин кылгатарга, улахан баһаартан харыстанарга оту өртөөһүнү сокуоҥҥа киллэрэргэ, эдэр үлэһиттэргэ саҥа уопсай дьиэ, иккис сылын оскуолаҕа физика учуутала тиийбэтигэр, иһэр уу скважинатын турууга, нэһилиэктэр икки ардыларын суолун оҥоһуллуутугар уонна нэһилиэнньэ доруобуйатын, айылҕаны харыстыырга көмүскэл наадатын туруорустулар. Отчуокка олохтоохтортон 59 киһи кытынна.
Иван Лукин.
