Сэтинньи 28 күнүгэр инбэлииттэр аан дойдутааҕы дэкээдэлэрин көрсө Чурапчы улууһугар өрөспүүбүлүкэтээҕи «Папа, мама и я – вместе мы сила» курэхтэһии буолан ааста. Дэкээдэ сыллата ыытыллар, болҕомто ууруллар, араас хабааннаах тэрээһиннэр буолаллар.
Күрэхтэһии А.К.Софронов аатынан Чурапчытааҕы успуорт уораҕайыгар буолан ааста. Доруобуйаларынан хааччахтаах дьон 8 хамаанданан кэлэн кытыннылар. Өрөспүүбүлүкэтээҕи инбэлииттэр уопсастыбаларын бэрэссэдээтэлэ И.В.Лебедева уонна улуус баһылыга А.С. Саргыдаев эҕэрдэлээтилэр. Чурапчытааҕы уопсастыба тэрийэн ыытта.
Спортсменнар 6 көрүҥҥэ: «Ложка», «Галоши», «Пресс», «Корнхолл», «Дартс», «Паровозик» көрүҥнэргэ икки бөлөҕүнэн ситиһиилээхтик күрэхтэстилэр. Түмүккэ иккис бөлөххө бастакы миэстэни Амма, иккиһи Нам, үсүһү Мэҥэ Хаҥаластан Егоровтар дьиэ кэргэн ылары ситистилэр.
Аграфена Леонтьева, Тамара Мохначевская. «Кэскил» киин.
