Олунньу 13 күнүгэр Бырабыыталыстыба иккис отчуоттуур бөлөҕө Бүтэйдээх нэһилиэгин олохтоохторун кытта көрүстэ.
Отчуотуур бөлөх салайааччыта СӨ Тыа хаһаайыстыбатын миниистирин солбуйааччы Николай Афанасьев өрөспүүбүлүкэ Бырабыыталыстыбатын ааспыт сыллааҕы үлэтин, ситиһиилэри сырдатта, кэлбит сыл соруктарын билиһиннэрдэ.
Олохтоохтор гааһынан хааччыллыыны, учуутал тиийбэт балаһыанньатыттан тахсыыга туох үлэ барарын, «КлиКра сокуона» олоххо киириитин хаамыытын, тыыл бэтэрээннэригэр хапытаалынай өрөмүөҥҥэ бэриллэр көмө сууматын үрдэтиини ыйыталастылар.
Бүтэйдээхтэр Алтаҥҥа барар суолу оҥорууну, саҥа оҕо уһуйааныгар, култуура дьиэтигэр, бэтэринээр миэстэтигэр эдэр исписэлиистэр үлэлии кэлэллэригэр хамнаһы үрдэтиини, Мэҥэ Боҕуруоскай таҥара дьиэтин тупсаран оҥорууну туруорсан, уо.д.а кыһалҕаларын эттилэр.
Отчуокка олохтоохтортон 54 киһи кытынна.
Иван Лукин.
