Олунньу 1 күнүгэр Аллараа Бэстээххэ төрөппүт көрүүтэ-истиитэ суох, тулаайах хаалбыт оҕолор саҥа дьиэ күлүүһүн туппут үөрүүлээх күннэрэ буолла.
Саха Өрөспүүбүлүкэтин Ил Дархана Айсен Николаев уонна Арассыыйа Генеральнай борокуруорун солбуйааччы Дмитрий Демешин кыттыыны ыллылар, оҕолор үөрүүлэрин үллэһиннилэр.
Саҥа кыбартыыралары туппут ыччаттар анал бырагырааманан ылбыт дьиэлэрин иһин үрдүкү салалтаҕа махтаннылар. Арассыыйа Бэрэсидьиэнэ Владимир Путин ыйыытынан маннык бырагырааманан өрөспүүбүлүкэ үрдүнэн элбэх дьиэ тутулунна.
