Семен Захарович Борисов аатынан Тыыллыма орто оскуолатыгар улуустааҕы эдэр педагогтар түмсүүлэрэ буолан ааста.
Тэрээһини «Битим» эдэр педагогтар ассоциациалара тэрийэн ыытта, уопсайа 6 оскуолаттан уонна Майатааҕы эбии үөрэхтээһин кииниттэн 31 эдэр педагог кыттыыны ылла. Бастаан өрөспүүбүлүкэтээҕи куонкурус кыайыылаахтара учуутал үлэтигэр сыһыаннаах сүбэ-ама, маастар кылаастары биэрдилэр. Күн иккис аҥаарыгар бэрт сэргэх, көрдөөх квест-оонньуу ыытылынна. Түмүккэ санаа атастаһыыта тэрилиннэ. Эдэр педагогтар бэйэлэрин баҕа санааларанын эттилэр, маннык түмсүүлэр, көрсүһүүлэр олус наадалаахтарын бэлиэтээтилэр. Идэлээх куонкурустарга бэлэмнэниигэ, граннарга кыттарга методическэй көмө наадатын эттилэр, инникитин саҥа бырайыактары оҥорорго сүбэ ылан, санаалара өрө көтөҕүллэн тарҕастылар.
Түмүктүүр чааска улуус эдэр учууталларын ассоциациятын саҥа бэрэссэдээтэлин билиһиннэрии буолла. Ол курдук, «Битим» түмсүү салайааччытынан В.П.Ларионов аатынан Майа орто оскуолатын историяҕа уонна обществознаниеҕа учуутала Иннокентий Владимирович Кондаков талылынна. Кини тутатына инники былаанын иһитиннэрдэ, сонун сүүрээннэри киллэрэр баҕатын биллэрдэ.
Тэрээһин кыттыылаахтара түмүккэ Тыыллыма орто оскуолатын кэлэктиибигэр, чуолаан дириэктэр Константин Анатольевич Захаровка улахан махталларын тиэртилэр.