«Ыччат — сайдыыны түстүүр, олоҕу хамсатар инники эрэлбит» ыччат нэдиэлэтин чэрчитинэн И.М.Сосин аатынан улуустааҕы киин бибилэтиэкэҕэ үгэскэ кубулуйбут «ЗНАТОК» билиини тургутар оонньуу ыытыллынна.
Уопсайа 13 хамаанда кыттыыны ылла. Өй-санаа оонньуутун солбуллубат ыытааччыта Феликс Спартакович Титов тэрээһини иилээн-саҕалаан үрдүк таһымҥа ыытта. Кыттааччылар уопсайа 15 араас ис хоһоонноох сытыы боппуруостарга хоруйдары биэрэн билиилэрин тургуттулар.
Учууталлар, уһуйаан иитээччилэрэ, култуура, баан, нолуок сулууспатын, полиция, балыыһа, ОДьКХ, улуус дьаһалтатын үлэһиттэрэ, эдэр ийэлэр, дьүөгэлиилэр көхтөөх кыттыыны ылан, дуоһуйа сынньанан, астынан тарҕастылар.
Тыҥааһыннаах оонньуу түмүгүнэн кыайыылааҕынан улуус дьаһалтатын «Экономика» хамаандата таҕыста.
Оонньууну тэрийээччилэр кыайыылаахтарга эҕэрдэлэрин тиэртилэр, бары кыттыыны ылбыт хамаандаларга инникитин да маннык көхтөөх буолалларыгар баҕара хааллылар.
