Дойдуга Уһуйааччы уонна настаабынньык, өрөспүүбүлүкэҕэ Үлэ, Мэҥэ Хаҥалас улууһугар Тыа хаһаайыстыбатын, I Баатара нэһилиэгэр Экология сылларыгар туһуламмыт Сомоҕолоһуу күнүн көрсө тэрилтэлэр, уопсастыбаннай түмсүүлэр икки ардыларыгар ыытыллыбыт «Өркөн өй» куонкуруска 6 хамаанда кыттан илин-кэлин түһүстүлэр.
Ол түмүгэр олохтоох дьаһалтаттан Зинаида Емельянова, Алексей Баянаков, эдэр ыччаттар Уруйдаана Черкашина, Екатерина Андреева хамаандалара үрүҥ көмүс мэтээл, кинигэ бэлэҕи туттулар. Кыһыл көмүс мэтээл ылан «Чуораанчык» уһуйаантан Наталья Комина, Евдокия Афанасьева, В.В.Ноев аатынан култуура тэрилтэтиттэн Егор Захаров, Мария Готовцева, Марина Яковлева, Дмитрий Филиппов уонна Матрена Филиппова, зоя Неустроева куубак иһин киирсэ финалга тахсан оонньоотулар.
Оонньуу түмүгэр кыайыыны Марина Яковлева, Дмитрий Филиппов ыланнар көһөрүллэ сылдьар кубок хаһаайыннарынан буоллулар. Куонкуруһу тэрийбит нэһилиэк баһылыгын солбуйааччытыгар Р.Н.Поповаҕа уонна бибилэтиэкэр Н.В.Сергучеваҕа махтанабыт. Кэлэн кыттыыны ылбыт дьоммутугар, күндү көрөөччүлэрбитигэр махтанабыт.
Готовцева Мария, Бэдьимэ
