Сахалыы тыыннаах бастакы икона

Бүтэйдээххэ баар Мэҥэ Боҕуруоскай таҥара дьиэтин 200 сылыгар  саха иконописец худуоһунньуга Ирина Тимофеева  Епархиянан бигэргэммит маҥнайгы сахалыы  тыыннаах  «Абалакская» диэн иконаны оҥорон бэлэхтээбитэ.

2023 с балаҕан ыйыгар Бүтэйдээх таҥаратын дьиэтигэр  Владыка Роман  саҥа иконаны сибэтии гыммыта. Ааспыт сыл бүтүүтэ Епархия көрдөһүүтүнэн «Абалакскай» иконабыт Дьокуускайга айаннаабыта. Саҥа сыллааҕы сулууспаларга, Ороһуоспаҕа иконабытыгар Саха сирин киин Преображенскай собуоругар элбэх православной итэҕэллээхтэр үҥтүлэр. Епархия сүбэһитэ Мигалкин  Афанасий Васильевич этэринэн, Епархиялар «Абалакскай» икона куоппуйатын оҥорон бу ый бүтүүтэ Москваҕа көҥүл ылан дьиэҕэ турар мас таҥара күлүгүн оҥотторуохтаахтар. Аны сайын баҕалаахтар «Абалакскай» иконаны  туруорар кыахтаныахтара.
Владыка Роман биһиги таҥарабыт дьиэтин саҥа иконата мантан кыһын, саас Саха сирин куораттарын таҥара дьиэлэринэн сырытыннарар былааннаахтарын тириэрдэр. 

«Сэндиэлэ» түмсүү .