Олунньу 11 күнүгэр Бырабыыталыстыба иккис отчуоттуур бөлөҕө Мэҥэ нэһилиэгэр сырытта.
СӨ Тыа хаһаайыстыбатын миниистирин солбуйааччы Николай Афанасьев отчуоту туруорда.
Олохтоохтор үүтү туттарыы сыанатын, гаас ситимэ хаһан тардылларын, социальнай хантараах, саҥа култуура дьиэтин тутуу хаамыытын, хаарбах дьиэттэн көһөрүү бырагырааматын, улуус иһинэн хас оҕо уһуйаана уонна оскуола хапытаалынай өрөмүөн бырайыагар киирбитин уо.д.а. ыйыталастылар.
Федеральнай тыраассаҕа сэрэтэр суол бэлиэлэрин, сырдатыы, сайыҥҥы быылын утары ньыманы, «Юпитер» хочуолунайа ОДьКХ көрүүтүгэр киирэрэ, бөҕү хомуйар тэрилтэни күүстээх хонтуруолга ылар наадатын эттилэр.
Иван Лукин.
