Сыымахха Афонскайдар, Жирковтар аймахтар төрөөбүт нэһилиэктэригэр дьоһун бэлэх оҥордулар.
Баатара нэhилиэгиттэн үүнэн тахсыбыт биллиилээх, киэн туттар дьоннорун сырдатар баннер оҥотторон, Гаврил Колесов аатынан култуура киинин иннигэр туруордулар.
Бу төрөөбүт дойдуга таптал, киэн туттуу тыынын иҥэрэр дириҥ ис хоһоонноох баннер үүнэр көлүөнэ ыччаты иитиигэ сүҥкэн улахан суолталаах.
Баһылык Дмитрий Акимов Афонскайдар, Жирковтар аймахтарга Баатара нэhилиэгин олохтоохторун уонна дьаhалтатын аатыттан махталын тиэрдэр.