Сахаларга былыр-былыргыттан күһүн устата уһун кыһыммытыгар бэлэмнэнии үгүс түбүктээҕинэн биллэр: кыстыкка көһүү, идэһэни өлөрүү, сылы туоруур хаһаас аһы-үөлү булунуу.
Сэтинньи 19 күнүгэр оскуолабыт кадет уолаттара убаһа, идэһэ араарыытыгар уһуйуннулар.
Интэринээт иитээччитэ Софрон Винокуров идэһэ кэмигэр тутуһуллар сиэри-туому кэпсээтэ, сылгыны тутууну, араарыыны көрдөрдө.
Бүгүн уолаттарбыт улахан дьону кытта тэҥҥэ көхтөөхтүк үлэлээн, убаһа астанарыгар тутуһан-хапсан, бэйэлэригэр саҥаны билэн-көрөн тарҕастылар.
Уол оҕону эр бэрдэ буолан хатарыллан тахсарыгар өбүгэлэрбит үгэстэригэр сыһыаран иитэрбит улахан суолталаах уонна онно олоххо бэлэмнээх буолууга өссө биир хардыы…
Сайыына Свинобоева, Баатара оскуолатыгар дириэктэри иитэр үлэҕэ сүбэһит