Бүгүн, ахсынньы 26 күнүгэр, Майа сэлиэнньэтин дьаһалтата анал байыаннай дьайыыга сылдьар байыастар дьиэ кэргэннэрин оҕолоругар анаан Саҥа дьыллааҕы бырааһынньыгы тэрийэн ыытта.
Оҕолор Майатааҕы Д.Ф.Ходулов аатынан норуот айымньытын дьиэтин үдэһиттэрэ туруорбут Саҥа дьыллааҕы дьүһүйүүнү көрдүлэр. Араас куонкурустарга кыттан, оонньоон, үгүс элбэх бириистэри туттулар. Чысхаан оҕонньор Сиэн Кыыһынаан мустубут оҕолору үүнэн эрэр саргылаах Саҥа дьылынан эҕэрдэлээн, минньигэс бэлэхтэри туттартаатылар.
Сэргэх көр-нар бырааһынньыктааҕы хоробуотунан түмүктэннэ.
Ахсынньы 8-25 күннэригэр Майа сэлиэнньэтигэр «Үтүө санаа харыйа» аахсыйа ыытылынна. Аахсыйа чэрчитинэн оҕо сааһы санатар күндү бырааһынньыкпытын чугаһатан, умнуллубат түгэннэри, минньигэс бэлэхтэринэн күндүлээбит үтүө санаалаах Майабыт сэлиэнньэтин дьонугар-сэргэтигэр, тэрилтэлэр салайааччыларыгар улахан махталбытын тириэрдэбит!
Барыгытын кэлэн иһэр саргылаах Саҥа дьылынан итиитик-истиҥник эгэрдэлиибит!
Владлена Павлова,
Майа сэлиэнньэтин дьаһалтатын дьиэ кэргэн киинин салайааччыта.
Иван Лукин хаартыскаҕа, видеоҕа устуута.
