Олунньу 13 күнүн иккис аҥаарыгар Алтан нэһилиэгэр Бырабыыталыстыба иккис отчуоттуур бөлөҕө олохтоохтору кытта көрүстэ.
Отчуотуур бөлөх салайааччыта СӨ Тыа хаһаайыстыбатын миниистирин солбуйааччы Николай Афанасьев өрөспүүбүлүкэҕэ ааспыт сылга ыытыллыбыт үлэни, ситиһиилэри сырдатта, кэлбит сыл соруктарын билиһиннэрдэ.
Олохтоохтор үүт тутуллар сыанатын, Абалаах сонотуоруйун тутуу хаамыытын, ыты итиигэ саҥа сокуоннары, ынаҕы, сылгыны чииптээһин, саха ынаҕын иитии туһунан ыйыталастылар.
Алтаннар Бүтэйдээххэ барар суолу оҥорууну, коррекционнай уонна уопсай үөрэхтээһин оскуолатын тутууну, даамбаны тупсарар үлэни, сайыҥҥы кэмҥэ суол быылын утары ньыманы, күһүҥҥү кэмҥэ өртөөһүнү көҥүллүүрү, иһэр уунан хааччыллыыга үлэни туруорустулар.
Отчуокка олохтоохтортон 50 киһи кытынна.
Иван Лукин.
