Алтан нэһилиэгин 268 нүөмэрдээх быыбардыыр учаастагар Анна Матчитова бэрэссэдээтэллээх, Февронья Попова, Мария Негнюрова, Анджела Аринкина, Зинаида Сектяева састааптаах хамыыһыйа үлэлиир. Манна испииһэгинэн 253 быыбардааччы баар.
Дойду Бэрэсидьиэнин талар Быыбарга нэһилиэк баһылыга Николай Матчитов бастакынан куоластаан дьонун-сэргэтин көҕүлээтэ. Аҕам саастаах быыбардааччы Василий Тимофеев, бастакытын быыбардааччы Валерия Дьяконова, сахалыы таҥастаах Яна Платонова гражданскай эбээһинэстэрин биир бастакынан толордулар.
Атын нэһилиэктэргэ олорор биир дойдулаахтара Дмитрий Попов, Евгений Пинигин, Александр Негнюров, Виталий Попов о.д.а. кэлэн куоластаан бардылар.
Быыбар иккис күнүгэр 14.00 чаастаах көрдөрүү түмүгүнэн нэһилиэк олохтоохторун 68,8 бырыһыаннара, о.э. 174 киһи быыбардаата.
Марелла Баишева.
