Мэҥэ Хаҥалас улууһун дьаһалтата үһүс сылын «Мэҥэ уус» улуустааҕы айар талааннаахтар түмсүүлэригэр айар-тутар үлэлэригэр анал тэрил, үнүстүрүмүөн ылыналларыгар үп-харчы көрөн өйөбүл оҥорор. Оттон быйылгыттан улууспут баһылыга 2000000 солкуобай суумалаах үбү көрөн, уруккуттан икки төгүл элбэх норуот маастара бу өйөбүлгэ тиксэр кыахтанна.
Анал хамыһыйа улууспут аатын-суолун улахан быыстапкаларга көмүскээбит, ситиһиилэрдэммит маастардарбытыгар, Гаврил Колесов аатынан Олоңхо дьиэтэ тэрийэр бырайыактарыгар үлэлэһэр, Мэҥэ Хаҥалас улууһа муниципальнай оройуон дьаһалтатын кытары ыкса үлэлэһэр, чуолаан, анал байыаннай дьайыыга сылдьар байыастарбытыгар түүннэри-күнүстэри сылаас таҥас-сап тигэр түмсүүлэргэ, уолаттарбытыгар тиһигин быспакка сахалыы быһахтары охсон ыытар тимир уустарбытыгар, бастыҥ айар талааннаахтарбытыгар анаан аттардылар.
Туоһу суруктары бастыҥ айар талааннаахтарбытыгар улуус баһылыга Дмитрий Тихонов сыл бүтүүтэ ыытыллыбыт баһылык отчуоттуур мунньаҕар нэһилиэктэринэн сылдьан биир дойдулаахтарын ортотугар, дьон-сэргэ сылаас ытыстарын тыаһыгар туттартаата.
Онон 2024 сыл түмүгүнэн айар үлэлэригэр анал тэрил ылыналларыгар туоһу сурук туттулар: Иннокентий Кононович Захаров, Мэҥэ Хаҥалас улууһун сатабыллаах маастара, Аллараа Бэстээх; Федор Васильевич Скрябин, СӨ уус-уран оҥоһуктарын маастара, Хорообут; Трофим Дмитриевич Попов, Мэҥэ Хаҥалас улууһун сатабыллаах маастара, Төҥүлү; Андрей Николаевич Каратаев, Мэҥэ Хаҥалас улууһун сатабыллаах маастара, Майа; Прокопий Прокопьевич Шестаков, Мэҥэ Хаҥалас улууһун сатабыллаах маастара, Аллараа Бэстээх; Роман Владимирович Иванов, Мэҥэ Хаҥалас улууһун сатабыллаах маастара, Ороссолуода; Радион Викторович Шарион, Мэҥэ Хаҥалас улууһун сатабыллаах маастара, Суола Мэлдьэхси; Хрисанф Семенович Иванов, Мэҥэ Хаҥалас улууһун сатабыллаах маастара, Бүтэйдээх; Руслан Прокопьевич Габышев, СӨ норуотун маастара, Майа; Руслан Михайлович Терентьев, Мэҥэ Хаҥалас улууһун сатабыллаах маастара, Хаптаҕай; Валентин Валентинович Сидоров, Мэҥэ Хаҥалас улууһун сатабыллаах маастара, Аллараа Бэстээх; Анисия Иннокентьевна Федорова -Ааниисийэ, СӨ уус-уран оҥоһуктарын маастара, Бэдьимэ; Варвара Николаевна Дьячковская, Мэҥэ Хаҥалас улууһун сатабыллаах маастара, Майа; Валентина Борисовна Березкина, СӨ уус-уран оҥоһуктарын маастара, Балыктаах; Лена Дмитриевна Лукина, СӨ уус-уран оҥоһуктарын маастара, Хаптаҕай; Дария Михайловна Ноговицына, СӨ уус-уран оҥоһуктарын маастара, Төхтүр; «Хотун Төҥүлү» түмсүү, сал.Лидия Михайловна Николаева, СӨ уус-уран оҥоһуктарын маастара, Төҥүлү; «Түмэн» түмсүү, сал. Федора Ивановна Наумова, Майа; «Кэрэ иис» түмсүү, сал. Наталья Васильевна Туманова, Мэҥэ Хаҥалас улууһун сатабыллаах маастара, Майа; «Үһүс көлүөнэ оскуолата» түмсүү, сал. Людмила Ивановна Стручкова, Майа; «Сыахай» түмсүү, сал. Евдокия Дмитриевна Неустроева, Нөөрүктээйи; «Дьүөгэлиилэр» түмсүү, сал. Акулина Силиновна Власова, Тумул; «Туойаана» туойтан оҥоһук мастарыскыайа, сал. Петр Петрович Егоров, СӨ норуотун маастара.
Туоһу сурук туппут айар талааннаахтарбыт, уустарбыт көрүллүбүт үптэригэр номнуо анал тэриллэри атыылаһан илиилэригэр туттулар. Онон бу Саҥа дьылга олус үчүгэй бэлэх буолла. Айар-тутар талааннаахтарбыт, уустарбыт улууспут баһылыгар Дмитрий Иванович Тихоновка дириҥ махталларын биллэрэллэр!
Айта Васильева,
Гаврил Колесов аатынан Олоҥхо дьиэтин уус-уран салайааччыта.
