Олунньу 7 күнүгэр Дьокуускайга Мэҥэ Хаҥалас инбэлииттэрин хамаандата остуол оонньууларыгар өрөспүүбүлүкэ чөмпүйэнээтигэр кытынна.
8 киһиттэн хабылыкка уонна хаамыскаҕа 6 бэрэстэбиитэл бириистээх миэстэҕэ тигистэ. Любовь Саввина (Майа), Анатолий Стручков (Төҥүлү), Зинаида Иванова (Аллараа Бэстээх) боруонса, Тамара Пермякова (Майа) үрүҥ көмүс, Василий Романов (Майа), Акулина Мартынова (Ороссолуода) кыһыл көмүс мэтээллээх кэллибит.
Чөмпүйэнээккэ 11 улуус кытынна. Сылтан сыл аайы кыттааччы элбээн, көрдөрүү да тупсан иһэрин тэрийээччилэр бэлиэтээтилэр. Күүстээх хамаандалар Ньурбаттан, Сунтаартан, Намтан, Дьокуускайтан кытыннылар. Күрэхтэһии кылаабынай судьуйатынан Элеонора Николаева үлэлээтэ.
Тамара Пермякова
