СӨ үөрэнээччилэрин “Спортивные Якутяне” ыспартакыйаадатын иһинэн ыытыллыбыт доруобуйаларынан хааччахтаах оҕолорго чэпчэки атлетикаҕа күрэхтэһии тохсунньу 16-17 күннэригэр Дьокуускай куорат “Өрөгөй” успуорт уораҕайыгар буолан ааста.
Улууспут сүүмэрдэммит хамаандатыгар Өлөчөй коррекционнай, Бүтэйдээх, Хаптаҕай, В.П.Ларионов аатынан Майа, М.Е.Попов аатынан Аллараа Бэстээх орто оскуолаларыттан оҕолор кыттыыны ыллылар.
Биирдиилээн көрүҥнэргэ бастыҥнарынан ааттаннылар: Булат Слободчиков, Хаптаҕай оскуолата, 60 м уонна 200 м сүүрүүгэ 1-кы миэстэ; Леонид Пономарев, Аллараа Бэстээх 1 N-дээх оскуолата, ядрону анньыыга 1-кы миэстэ; Дима Фетисов Аллараа Бэстээх 1 N-дээх оскуолата, 60 м сүүрүүгэ 1-кы миэстэ, 200 м 1-кы миэстэ, ядрону анньыыга 2-с миэстэ; Альберт Антонов, Өлөчөй коррекционнай оскуолата, 60 м 3-с миэстэ, 200 м 2-с миэстэ буоллулар.
Бүтэйдээх оскуолатыттан Арсен Харитонов, В.П.Ларионов аатынан Майа орто оскуолатыттан Сандаара Федорова, Өлөчөй коррекционнай оскуолатыттан Айгыына Шарина ситиһиилээхтик кытыннылар.
Улахан дьоҥҥо Николай Свинобоев 400, 800 м сүүрүүгэ 1-кы миэстэ, Константин Шишигин 60 м 1-кы миэстэ, Айталина Тарасова 60 м 2 миэстэ, Коля Винокуров 60 м 6-с миэстэ буоллулар.
Онон улууспут хамаандата уопсай түмүккэ 5 кыһыл көмүс, 2 үрүҥ көмүс, 1 боруонса мэтээллээх 2-с миэстэ буолары ситистэ.
1-кы миэстэҕэ Дьокуускай куорат таҕыста, 3-с миэстэ Нам улууһа буолла.
