Алтынньы 11 күнүгэр Аллараа Бэстээххэ Т. Пинегин аатынан «Парус» успуорт уораҕайыгар көҥүл тустууга биирдиилээн бастыыр иһин улуустааҕы бастакы күрэхтэһии буолан ааста.
Улуустан барыта 104 тустуук оҕо (2008, 2009, 2010 с.т, 2011‒2012 с.т) кыттыыны ылла. Биһиги В.П.Ларионов аатынан Майа орто оскуолатыттан барыта 9 оҕо улахан түһүлгэҕэ бэрт ситиһиилээхтик туһуннулар. Оҕолору оскуолабыт хапсаҕай куруһуогун тириэнньэрэ Константин Колесов уонна Майатааҕы оҕо-ыччат успуордун оскуолатын (ДЮСШ) көҥүл тустууга тириэньэр-преподавателэ Владимир Яковлев дьарыктаан илдьэ сырыттылар.
Тыҥааһыннаах киирсиилэр түмүктэринэн кыайыылаахтар:
1 миэстэ Пестерев Тимур 60 кг, 1 миэстэ Мохначевскай Сергей 50 кг, 3 миэстэ Адамов Аман 50 кг буоллулар. Тириэньэрдэрэ Яковлев Владимир Петрович.
2 миэстэ Афанасьев Алгыстаан 55 кг, Катаев Эрхан 60 кг, 3 миэстэ Неустроев Алеша 50 кг буолары ситистилэр. Тириэньэрдэрэ Колесов Константин Егорович.
