Дмитрий Таас аатынан Хорообут орто оскуолатыгар Билии күнэ үрдүк тэрээһиннээхтик ыытылынна. Быйыл 9 үөрэнээччи оскуола боруогун атыллаата. Кинилэр салайааччыларынан Венера Валерьевна Птицына ананна.
Үөрүүлээх күн оскуоланы 50 сыл анараа өртүгэр бүтэрбит 1973 с. выпускниктар ыалдьыттаатылар, үөрэнээччилэргэ кэс тылларын тиэртилэр.
Быйылгы үөрэх дьылыгар оскуола 119 үөрэнээччилээх. Саҥа учууталлар омук тылыгар Владимир Валерьевич Иванов, хайыһарга тириэньэринэн Ирина Михайловна Иванова, оҕо хамсааһынын салайааччытынан Сандаара Петровна Сергучева үлэлиэхтэрэ.
