2-с Наахара ыччата дойдутун туһугар куолаһын биэрэн барда

2-с Наахара нэһилиэгэр учаастакка 435 быыбардааччы баарыттан билиҥҥитэ 334 киһи куоластаабытын иһитиннэрдилэр.

Сокуоннай саастарын туолбут 5 ыччат аан бастакытын быыбардаабыт. Дьиэҕэ 24 киһи куоластыыр баҕатын биллэрбит.

Биир дойдулаахтара Егор Ермолаев ыраахтан төрөөбүт дойдутугар кэлэн быыбарга кыттан барда. Кини ‒ масс-рестлиҥҥэ норуоттар икки ардыларынааҕы уонна Арассыыйа таһымнаах судьуйа.